Ika-4 na SONA ni Duterte 'di nagsimula sa oras
MANILA, Philippines — Na-late ang pagsisimula ng ika-apat na State of the Nation Address ng Pangulong Duterte ngayong Lunes.
Ayon sa ilang ulat, naantala ang paglipad ng chopper ng presidente mula sa Malacañang dahil sa sama ng panahon.
Nakatakda sanang magsimula ang talumpati ng pangulo ganap na alas-kwatro ng hapon ngayong araw.
Ayon kay presidential spokesperson Salvador Panelo, matatalakay daw ni Digong ang iba't ibang paksa sa kanyang SONA, kabilang na rito ang gera kontra-droga, kriminalidad, katiwalian sa gobyerno at mga isyu kaugnay ng agawan ng teritoryo sa West Philippine Sea.
Presidential spox Panelo says that president Duterte is currently “upbeat,” and will talk about the war on drugs, criminality, corruption, the West Philippine Sea, etc. #SONAlive @PilStarNgayon @PhilstarNews pic.twitter.com/77LME9tbsE
— James Relativo (@james_relativo) July 22, 2019
Inaasahan naman daw ni Department of Public Works and Highways Secretary Mark Villar na magsasalita mula sa kaibuturan ng kanyang puso ang presidente.
DPWH Sec. Mark Villar assures the public that they will finally reap the benefits of the government’s infrastructure projects, expects Duterte to “speak from the heart” this afternoon #SONAlive @PhilstarNews @PilStarNgayon pic.twitter.com/ihaMK8H3wb
— James Relativo (@james_relativo) July 22, 2019
Kadalasa'y pinag-uusapan sa SONA ang legislative agenda ng presidente sampu ng mga nakamit ng adminsitrasyon sa nagdaang panahon.
Pero ayon naman sa ilang akademiko tulad ni UP Political Science Associate Prof. Herman Kraft, tila nagiging "teatro" na lamang ang SONA ng popular na pangulo.
- Latest
