Petisyon ni Leni vs Marcos ibinasura
MANILA, Philippines – Ibinasura ng Presidential Electoral Tribunal (PET) ang mosyon ni Vice Pres. Leni Robredo na desisyunan na ang election protest laban sa kanya ni dating vice presidential candidate Bongbong Marcos.
Sa inilabas na resolusyon ng PET, masyado pang maaga para sabihing pinagtibay ng resulta ng manual recount ng mga boto mula sa Camarines Sur, Ilo-Ilo at Negros Oriental ang panalo ni Robredo noong 2016 elections.
Sinabi ng PET na kailangan pang salain ang mga dokumento at ebidensiya bago maglabas ng desisyon sa kaso.
Ayon sa korte, hindi pa nakukumpleto ang proseso sa election protest tulad ng judicial recount, revision at appreciation ng mga boto sa mga napiling probinsya ni Marcos.
Samantala, isinantabi rin ng PET ang mosyon ni Marcos na suriin ng korte ang mga lagda at thumbprints sa voter identification documents mula sa Lanao Del Sur, Maguindanao at Basilan.
- Latest
