MIAA humingi ng paumanhin sa nagkaaberyang gate sa NAIA
MANILA, Philippines — Humingi ng paumanhin ang pamunuan ng Manila International Airport Authority (MIAA) sa mga pasahero ng Cebu Pacific flight 5J930 galing Bangkok na naghintay ng halos 30 minuto para lamang makalabas sa arrival concourse ng Ninoy Aquino International Airport (NAIA) Terminal 3 dahil pumalpak at hindi bumukas ang exit door sa Gate 108.
Gayunman, gumamit ang NAIA T3 engineering personnel ng mga special tools para ma-unlock ang steel door.
Tiniyak ng mga awtoridad sa airport sa NAIA T3 passengers na ang insidente ay isang isolated case.
Matapos makumpuni ang nasabing pumalpak na Gate 108 ang mga sumunod na mga pasaherong gumamit nito ay hindi na nagka-problema pa.
- Latest