Oil price hike uli

MANILA, Philippines — Panibagong pagtataas sa presyo ng petrolyo ang nakaamba ngayong papasok na linggo.

Sa tantiya ng mga oil experts, maglalaro sa P.30 sentimos hanggang P.40 sentimos ang itataas sa kada litro ng gasolina habang mas maliit na P.10 hanggang P.20 ang imamahal naman ng diesel.

Hindi rin lusot ang kerosene na magtataas ng P.20 hanggang P.30 sentimos kada litro.

Nabatid na muling tumaas ang presyo ng inaangkat na presyo ng petrolyo sa internasyunal na merkado na dahilan ng napipintong pagtataas.

Sa tatlong sunod na linggo na rolbak, nasa P4.50 kada litro na ang naibaba sa gasolina, P4.20 kada litro sa diesel at P4.20 sa kerosene.