Canada trip ng gov’t officials bawal muna
MANILA, Philippines — Ipinagbawal muna ng Malacañang sa mga opisyal ng gobyerno na magbiyahe sa Canada dahil nabigo itong hakutin ang itinambak nilang basura sa bansa
Wika ni Presidential Spokesman Salvador Panelo sa isang statement na inabisuhan din ang mga pinuno ng bawat ahensya ng gobyerno na bawasan ang kanilang official interaction sa Canadian government.
Una nang iniutos ni Pangulong Duterte ang paghahanap ng private shipping company na magdadala sa tone-toneladang basura sa loob ng teritoryo ng Canada.
Kung hindi raw tatanggapin ng Canada ang mga basura, iiwan ito sa kanilang karagatan o 12 nautical miles mula sa baseline ng alinman sa kanilang baybayin.
Sasagutin ng gobyerno ng Pilipinas ang gagastusin sa nasabing shipment.
- Latest