Pinoy na biyaheng Hong Kong binalaan

MANILA, Philippines — Binalaan ng Department of Foreign Affairs (DFA) ang mga Pilipino na bibiyahe patungong Hong Kong na huwag magdadala sa kanilang bagahe ng mga ipinagbabawal na kagamitan o tinatawag na “restricted items”.

Ang paalalang ito ng DFA ay bunsod ng mga report na nakarating sa ahensiya na noong 2018 ay nasa 20 Pilipino na karamihang bumibiyahe sa Hong Kong International Airport ang nahuli at nagmulta dahil sa pagdadala ng mga bawal na gamit o restricted items.

Nabatid, na sa ilalim ng Aviation Security Ordinance o ang Firearms and Ammunition Ordinance ng Hong Kong, bawal magdala ng stun gun, pepper spray, bala ng baril, extendable baton, flick knife at knuckleduster.