Pagpasa ng legislative agenda, bibilis sa pagkapanalo ng 51 partylists – Velasco
MANILA, Philippines — Binati ni re-elected Marinduque Rep. Lord Allan Velasco ang mga nanalong 51 party list groups na opisyal nang naiproklama ng Commission on Elections (Comelec).
Base sa Comelec, ang party list groups ay makakakuha ng 61 seats sa Kamara.
Napansin ni Velasco, karamihan sa nanalong grupo ay kaalyado at inindorso ni Pangulong Duterte kaya ang pagpasok nila sa 18th Congress ay magreresulta ng mabilis na pagpasa sa legislative agenda ng administrasyon.
Umaasa rin si Velasco na ang mga nominado sa mga partylist groups ay magiging totoo sa kanilang sektor na kinakatawan sa Kamara at sa kanilang mga adbokasiya.
Subalit anuman umano ang maging political colors ng isang politiko ay dapat ang kapakanan ng mga Filipino ang isinusulong ng mga mambabatas para malabanan ang kahirapan, magkaroon ng kapayapaan at mapalakas ang ekonomiya ng bansa.
- Latest