Kiko nag-resign bilang LP pres.
MANILA, Philippines — Nagbitiw kahapon bilang presidente ng Liberal Party (LP) si Sen. Francis “Kiko” Pangilinan matapos walang manalo sa mga kandidato ng Otso Diretso sa nakaraang senatorial elections.
Si Pangilinan ang nagsilbing campaign manager ng Otso Diretso.
Ang resignation letter ni Pangilinan ay ibinigay kay Vice Pres. Leni Robredo, chairperson ng partido subalit tinanggihan umano ng huli. Magiging epektibo ang kanyang pagbibitiw bilang pangulo ng LP sa June 30.
Ayon kay Pangilinan, inaako niya ang buong responsibilidad ng resulta ng nakaraang national elections.
Samantala, nagbitiw din kahapon bilang Secretary General ng LP si 6th district Rep. Christopher “Kit” Belmonte.
Pinuri naman ng Malacañang ang ginawang pagbibitiw ni Pangilinan.
“That’s commendable. He accepts defeats,” ayon kay Presidential Spokesman Salvador Panelo.
- Latest
