Canada tutulong daw sa ‘basura’
MANILA, Philippines — Ipinahayag kahapon ng Canada sa pamamagitan ng embahada nito sa Pilipinas na makikipagtulungan ito para matugunan ang isyu sa basura.
Tinutukoy dito ang basurang itinapon sa Pilipinas ng isang pribadong kumpanya sa Canada noong 2013-2014.
Ginawa ng embahada ang pahayag makaraang magbanta si Pangulong Rodrigo Duterte na personal niyang itatapon ang naturang mga basura pabalik sa Canada at gigiyerahin niya ito.
Sinabi naman ng Canadian Embassy na isang joint technical working group na binubuo ng mga opisyal ng Canada at Pilipinas ang sumisilip sa isyu sa pagtanggal ng naturang basura sa bansa.
- Latest