‘Chinese visa itigil’- Roxas

MANILA, Philippines — Nanawagan si dating Senador Mar Roxas sa gobyerno na suspindihin na ang automatic visa sa mga Chinese dahil naaagawan na ng trabaho ang mga Pilipino.

“Para sa akin, yang automatic visa granting, itigil na yan dahil inaagawan ng mga dayuhang Chinese ang mga trabaho dito sa Pilipinas. Hirap na nga ang mga Pilipino na makahanap ng trabaho. Hirap na tayo na lumikha ng trabaho para sa mga Pilipino. Tapos bigla na lang papapasukin?” sabi pa ni Roxas na lumibot sa Catarman, Northern Samar.

Ayon pa sa senatorial candidate, halos lahat naman ng ibinigay na trabaho sa mga Chinese ay kayang gawin ng mga Pinoy kaya hindi makatuwiran na bigyan ng importansiya ang mga dayuhang ito.