Duterte ipinababalik ang basura ng Canada
MANILA, Philippines — Iniutos kagabi ni Pangulong Duterte ang pagbabalik sa Canada ng itinapon nitong mga basura sa bansa.
Sinabi ng Pangulo sa situational briefing sa Pampanga kagabi, hindi tambakan ng imported na basura ang bansa kaya ipapabalik na niya ito sa Canada.
“I want a boat prepared. I’ll give a warning to Canada maybe next week that they better pull that thing out or I will set sail, doon sa Canada ibuhos ko ‘yang basura nila doon,” wika pa ng Pangulo.
Aniya, hindi siya papayag na kakayan-kayanin na lamang tayo ng Canada.
“I cannot understand why they are making us a dumpsite, and that is not the only case on point. Papasunod-sunod ‘yan na pinapadala yung basura sa atin. Well, not this time. Magkaaway kami ng... Eh, ‘di ano, awayin natin ang Canada. We’ll declare war against them, kaya man natin ‘yan sila. Isaoli ko talaga. Tignan mo. Ikarga mo ‘yan doon sa barko, load the containers to a ship, and I will advise Canada that your garbage is on the way. Prepare a grand reception. Eat it if you want to,” dagdag pa ni Pangulong Duterte.
- Latest
