‘Pagtibayin ang mabuti at tama’ – Digong
MANILA, Philippines — Sa pagtatapos ng paggunita sa Semana Santa, pinaalalahanan ni Pangulong Rodrigo Duterte ang mga Filipino na isulong kung ano ang mabuti at tama.
Sa kanyang Lenten Message, sinabi ng Pangulo na ang matibay na pananampalataya sa Diyos ng mga Filipino ang nakakapag-ambag sa katatagan ng bansa.
Tiniyak din ng Pangulo na kaisa siya ng mga Kristyanong Filipino sa buong bansa na gumunita sa Holy Week.
Nagpahayag din ng pag-asa ang Pangulo na ang paggunita ng Semana Santa ay nagsilbing inspirasyon para mabuhay ang pangako na magsilbi sa mga mamamayan lalo na sa mga nangangailangan.
Ayon pa sa Pangulo, nagtitiwala siya na ang mga virtues ng “faith, hope at charity” ay magiging daan para sa pagsusulong ng nation-bulding.
- Latest