52 bgy. officials inireklamo, nangangampanya ng kandidato
MANILA, Philippines – Inireklamo sa Commission on Elections (Comelec) ang 52 barangay officials dahil umano sa pagkiling sa pulitika kaugnay ng midterm elections sa Mayo 13.
Kabilang sa 52 ay mga bgy. chairman at mga opisyal ng Sangguniang Kabataan (SK) na namonitor na aktibong nangangampanya ng mga kandidato na kanilang pinapaboran.
Sinabi ni DILG Undersecretary Epimaco Densing III, nakatanggap sila ng mga reklamo mula sa mga residente.
Anya, bawal kumiling sa pulitika ang mga opisyal ng Barangay dahil ‘apolitical’ ang kanilang hanay.
Kabilang sa mga inirereklamo ay mula sa Taguig City, Quezon City, Caloocan City, Misamis Oriental, Cavite at Bulacan.
Tanging ang Pangulo, Bise Presidente at iba pang halal na opisyal ang pinapayagang mangampanya.
- Latest