Budget ng OVP tinaasan
MANILA, Philippines — Hindi na mamumroblema si Vice President Leni Robredo sa pondo para sa kanyang mga proyekto ngayong taon, maging sa pagkakaloob ng tulong pinansyal sa mahihirap, kapag tuluyang napagtibay ang panukalang 2019 national budget.
Base sa bicameral conference committee (bicam) report na naglalaman ng final version ng spending bill, tinaasan ng mga mambabatas ang pondo ng Office of the Vice President (OVP) mula P216 milyon patungo sa P664 milyon. Ito ang pinakamataas na alokasyon para sa bise presidente.
Sa iminungkahi nitong budget sa Kongreso noong Hulyo 2018, inirekomenda ni Pangulong Duterte ang P448 milyon para kay Robredo, pinuno ng oposisyon. Inaprubahan man ng House of Representatives ang OVP outlay na rekomenda ng Pangulo, tinaasan ito ng Senado.
- Latest
