Digong sa MWSS: Umayos kayo o sibak!
MANILA, Philippines — ‘Shape up or ship out!’
Ito ang naging babala ni Pangulong Duterte sa mga opisyal ng Metropolitan Waterworks and Sewerage System (MWSS) na kanyang ipinatawag kamakalawa ng gabi sa Malacañang kaugnay sa water crisis sa Metro Manila.
Ayon kay Presidential Spokesman Salvador Panelo, tumagal ng hanggang 40 minuto ang meeting kung saan sinermunan at hindi binigyan ng Pangulo ng pagkakataong magpaliwanag ang mga opisyal ng MWSS gayundin ang kinatawan ng Maynilad Waters at Manila Water Company.
Muling pupulungin ang mga opisyal ng MWSS sa darating na ?Abril 10 pero pinagsusumite ng report ng kanilang ginawang hakbang bago ?Abril 7 at saka magpapasya ang Pangulo kung may dapat sibakin na opisyal o bawian ng kontrata ang mga water concessionaires.
Idinagdag pa ng Pangulo, kung ginawa lamang ng mga opisyal ang kanilang trabaho ay hindi na dapat umabot sa water crisis ang problema pero hinintay pa nila na magbanta siya upang gumalaw ang mga ito.
Handa namang magbitiw sa puwesto si MWSS Administrator Reynaldo Velasco kung hihilingin ito ni Pangulong Duterte.
- Latest
