Class suit ihahanda dahil sa water crisis
MANILA, Philippines — Para mabayaran ang mga naapektuhang kustomer naapektuhan ng kakulangan sa tubig sa Metro Manila at karatig lalawigan, maghahain ang Kamara ng class suit laban sa Manila Water.
Sa pagdinig ng oversight committee ng House Committees on Metro Manila Development at Housing and Urban development, sinabi ni Negros Occidental Rep. Albee Benitez na dapat mayroong karampatang parusa sa water concessionaire dahil malinaw na nagkaroon ng kapabayaan sa parte nila.
Subalit wala naman umanong masabi ang Metropolitan Waterworks and Sewerage System (MWSS) regulatory office kung ano ang katapat na parusa sa kapabayaan ng Manila Water at naniniwala rin sila na zero ang accountability nito.
Giit ng kongresista na hindi sila papayag na hindi magbabayad ang Manila Water sa kanilang kapalpakan kaya kung hindi sila magkukusa na bayaran o isoli ang bayad ng kanilang customers ay maghahain sila ng class suit laban sa water conssionairres.
- Latest