12 anyos pasado na sa Kamara
Minimum na edad sa social responsibility
MANILA, Philippines — Inaprubahan na sa ikatlo at pinal na pagbasa ang panukalang nagpapababa sa minimum of age of social responsibility sa 12 taong gulang mula sa 15 anyos.
Sa botong 146 na Yes, at 34 na No ay pasado na ang House Bill 8858 o ang pagbaba sa minimum of age of social responsibility (MAS) sa 12 anyos kung saan sasailalim sila sa rehabilitation at reporma sa oras na lumabag sa batas.
Nakasaad sa panukala na hindi ikukulong at hindi ituturing na kriminal ang mga children in conflict with the law.
Ang mga batang nakagawa ng krimen tulad ng murder, parricide, infanticide, carnapping, kidnapping, rape with homicide at paglabag sa Dangerous Drugs Act ang tanging sasailalim sa rehabilitation at confinement sa Bahay Pagasa o sa Agricultural Camp at training center.
Ang mga tao o sindikatong gagamit sa mga kabataan sa paggawa ng krimen ay mahaharap sa kaukulang parusa.
Tiniyak din na magiging ‘confidential’ ang mga records ng mga batang lumabag sa batas.
Kinuwestyon naman ni Buhay Rep. Lito Atienza ang bilang ng mga bumotong kongresistsa dahil sa karamihan umano ng kanyang mga kasamahan ay wala sa plenaryo.
- Latest