Pension ng senior citizens dagdagan ng P1K – Bam
MANILA, Philippines — Pinadagdagan ni Sen. Bam Aquino ng P1,000 ang social pension ng senior citizens bilang pagkilala sa napakahalaga nilang kontribusyon sa pag-unlad ng bansa at para mabigyan sila ng dagdag na kita para kayanin ang mahal na presyo ng bilihin.
Sa kanyang Senate Bill No. 2142, inaatasan ang pamahalaan na magbigay ng social pension na P1,000 sa lahat ng senior citizens na walang social pension at ang mga tumatanggap ng pension na hindi lalampas sa P3,000.
Ayon kay Bam, sa pag-aaral na ginawa ng Coalition of Services of the Elderly (COSE), nakita na malaki ang ambag ng social pension sa kita ng isang pamilya.
Subalit nakita rin sa nasabing pag-aaral na 32 porsiyento ng 8 milyong senior citizens sa bansa ang tumatanggap lang ng social pension na P500 a month, habang 38% ang walang nakukuha na kahit anong pension.
Pagdating naman sa 1.5 milyong SSS pensioners, wala pa sa kalahati ang tumatanggap ng mahigit P3,400 kada buwan.
- Latest
