Diokno pinasisipot sa House
MANILA, Philippines — Sa ikatlong pagkakataon muling inimbitahan ng House Committee on Rules si Budget Secretary Benjamin Diokno kaugnay sa imbestigasyon sa umano’y kwestyunableng alokasyon ng Department of Budget and Management (DBM).
Itinakda ang pagdinig sa ?Enero 21, kaya umaasa si House Majority leader Rolando Andaya Jr. na sisipot na si Diokno para maipaliwanag ang panig niya sa nasabing isyu.
Giit ni Andaya, sa halip na ipadala ang mga undersecretary at iba pang senior DBM officials para gisahin, dapat ay ang kalihim ang magpaliwanag dahil siya ang top decision maker sa kanyang departamento.
Kabilang umano sa anomalous practices ng DBM ay ang tinaguriang flood control scam kung saan nanghihimasok umano ang ahensiya sa ilang proyekto ng gobyerno.
Partikular na tinukoy ni Andaya ang pagbabayad umano ng DBM sa mga consultants para sa big-ticket infrastructure projects ng gobyerno sa ilalim ng Build, Build, Build program.
Noong nakaraang taon ay nagsilbing one-stop shop para sa consultancy firms ang Procurement Service ng DBM kung saan gumastos umano ang pamahalaan ng P37 billion.
- Latest