Trabaho ng oposisyon maghanap ng mali
MANILA, Philippines — Muling binanatan kahapon ni Pangulong Rodrigo Duterte ang oposisyon na ang trabaho umano ay maghanap ng mali sa gobyerno.
Sa talumpati ng Pangulo sa harap ng Filipino community sa Papua New Guinea, sinabi ng Pangulo na pagkatapos makahanap ng mali ng oposisyon ay ginagawa naman nila itong isyu.
Ipinahiwatig ng Pangulo na hindi maaring sabihin na walang ginagawa ang gobyerno. Nauna rito, ipinaliwanag ng Pangulo na nakakaapekto sa ekonomiya ng Pilipinas produksiyon ng langis sa ibang bansa partikular sa Middle East.
Tuwing tumataas aniya ang presyo ng langis ay tumataas din ang presyo ng lahat ng bilihin. Aminado ang Pangulo na mataas ang inflation pero ipinahiwatig nito na hindi maaring sabihin na walang ginagawa ang gobyerno base sa banat ng oposisyon na ang trabaho umano ay maghanap ng mali.
- Latest