‘Businesswoman’ sa COC ni Enrile nag-viral

MANILA, Philippines — Nag-viral sa Facebook ang Certificate of Candidacy ni dating Senador Juan Ponce Enrile nang “businesswoman” ang nakalagay na profession nito sa COC ng isumite ng kanyang abogado  sa Commission on Elections (COMELEC).

Ayon sa COMELEC, agad ding itinama  ni Atty. Joseph Sagandoy, abogado ni Enrile, 94 anyos, ang entry  matapos magviral sa social media.

Muling tatakbo si Enrile bilang independent candidate ngunit bukas daw ito sa page-endorso ni Pangulong Rodrigo Duterte.

Nabatid na inakala ni Sagandoy na asawa ni Enrile na si Cristina Ponce Enrile ang tinutukoy rito sa COC. 

Kilala ang mga Enrile sa real estate at iba pang negosyo.

Sinabi naman ni COMELEC Spokesman James Jimenez na pinagbibigyan na agad itama ang mga maliliit na pagkakamali tulad nito maliban na lamang kung malaki ang pagkakamali.