Ouster plot ng CPP-NPA vs Digong sa Disyembre
MANILA, Philippines — Nagpaplanong maglunsad muli ng ouster plot ang Communist Party of the Philippines-New People’s Army at mga grupong nakikipag-alyansa sa mga ito upang pabagsakin ang administrasyon ni Pangulong Rodrigo Duterte sa Disyembre ng taong ito.
Ito ang ibinunyag kahapon ni Armed Forces of the Philippines (AFP) Spokesman Brig. Gen. Edgard Arevalo matapos namang sumablay ang Red October ng CPP-NPA.
Una nang sumingaw na ang Red October ay sabwatan umano ng CPP-NPA, Tindig Pilipinas, Movement Against Tyranny, Magdalo Group at iba pang grupong kritiko ng administrasyon upang agawin ang kapangyarihan sa punong ehekutibo.
“Ang tinatawag po natin diyan is a rolling plan at lahat po ’yan ay gusto nilang bigyan ng grandyosong pagdiriwang ang kanilang ika-50 anibersaryo sa December,” pahayag ni Arevalo.
Sinabi ni Arevalo na nag-break lamang ang CPP-NPA at mga nakikipagsabwatan sa mga ito matapos na ibulgar ng militar ang Red October plot at muli ang mga itong nagpaplano sa darating na Disyembre.
- Latest
