4 opisyal ng Mines Bureau sinibak

MANILA, Philippines — Sinibak na sa puwesto ang apat na opisyal ng Mines and Geosciences Bureau (MGB) matapos ang pagguho ng lupa sa Naga City, Cebu. Ayon kay  Environment Undersecretary Benny Antiporda, tinanggal sa puwesto sina MGB Region 7 Director Loreto Alburo, Chief Administrative Officer Jerry Mahusay, Chief Geo­logist  Al Emil Berador at Supervising Geologist Dennis Aleta. Sinabi ni Antiporda na ang pag-relieve sa kanila ay habang isinasailalim silang apat sa imbestigasyon kaugnay sa malagim na insidente ng pagguho ng lupa doon.