81 na patay kay ‘Ompong’
MANILA, Philippines — Lumobo na sa 81 ang nasawi sa paghagupit ng bagyong Ompong habang 70 katao pa ang missing na karamihan ay mga biktima ng landslide sa Cordillera Region.
Inihayag ni PNP Spokesman P/ Sr. Supt. Benigno Durana Jr. na karamihan ay nasawi sa landslide nang manalasa ang bagyo sa Region 1, II, III, Cordillera Administrative Region (CAR) at National Capital Region (NCR).
Kabilang sa 70 nawawala ay 66 katao sa Cordillera, dalawa sa Region 1, dalawa sa NCR habang 71 ang nasugatan.
Ayon kay Durana, nasa 231 pa ring barangay ang lubog sa tubig baha sa Central Luzon at nasa 74 mga kalsada at highways ang hindi pa rin madaanan.
Kabilang sa mga narekober na bangkay ay 66 sa Cordillera; isa sa Region 1; 10 sa Region 2, dalawa sa Region 3 at dalawa sa NCR.
- Latest