Trillanes uwi na – Palasyo
MANILA, Philippines — Tinawag na ‘overacting’ ng Malacañang si Sen. Antonio Trillanes IV sa paniniwala nitong tinitiktikan siya sa kanyang bahay ng intelligence personnel.
“OA po yan. Uwi na kayo dahil hindi naman tama na taong bayan ang nagbabayad ng inyong board and lodging dyan sa Senado,” wika ni Presidential Spokesman Harry Roque sa akusasyon ni Sen. Trillanes na mayroong umaaligid na sasakyan sa kanyang bahay na nakunan ng CCTV.
“First it’s drama. And now it appears to be paranoia. I think it’s very clear that the President has left the matter to the RTC and so has the Supreme Court,” sabi ni Roque.
Nais lamang daw kumuha ng simpatya sa taumbayan ni Trillanes kaya gumagawa ito ng drama at nagtago sa Senado matapos lagdaan ni Pangulong Duterte ang Proclamation 572 na nagpapawalang-bisa sa ipinagkaloob na amnesty dito ng Aquino government.
Iginiit pa ni Roque, walang dapat ikatakot si Trillanes na aarestuhin siya kapag lumabas ng Senado dahil mismong si Pangulong Duterte ang nagsabi na dapat hintayin ang ilalabas na warrant of arrest ng korte bago arestuhin ang senador.
- Latest
