Dinalaw ni Special Assistant to the President Christopher ‘Bong’ Go ang isang batang pasyente na isa sa recipient ng Malasakit Center program sa Cebu City.
Malasakit Center nationwide na - Bong Go
Rudy Andal (Pilipino Star Ngayon) - September 1, 2018 - 12:00am

MANILA, Philippines — Tiniyak kahapon ni Special Assistant to the President Christopher “Bong” Go na tututukan niya ang pagpaparami ng Malasakit Center sa buong bansa para makatulong sa mga mahihirap na pasyente.

Sinabi ni Sec. Go na nakakalungkot na marami ang hindi kayang i-sustain ang kanilang pagpapagamot kaya naisip niyang makapagpatayo ng mga Malasakit Center sa mas marami pang lugar sa bansa.

Muli ring tiniyak ni Go ang pagtulong sa mga na­ngangailangan hanggang sa makakaya ng gobyerno at ng kanyang tanggapan.

“May programa iyong gobyerno. Ito po ‘yung gusto ko palawakin o pa­lakasin ‘yung Malasakit Center, kasi alam ko na­pakaraming nanganga­ilangan ng medisina at saka libreng gamot,” wika pa ni Sec. Go.

“Sabi nga ‘nung isa doon hindi na raw niya ma-sustain iyong pagpapagamot. Nakakalungkot, so tutulungan po na­ming lahat, hanggang sa kaya namin itulong. Let’s say PCSO may limit yung (subsidy), hanggang dulo, yun na iyong Malasakit doon na kami talagang tutulong hanggang sa kaya, kung kayang maging zero bill. After PhilHealth, after DSWD, after PCSO, then sa dulo kung magkano iyong maiwan na bill iyon ang sasagutin,” dagdag pa ng close aide ni Pa­ngulong Duterte.

Kabilang sa mga na­itayo nang Malasakit Center sa buong bansa ay nasa Davao, Cebu, Tacloban, Iloilo at sa Philippine General Hospital sa Maynila.

Habang isinasaayos na rin ang pagkakaroon ng Malasakit Center sa Bohol, Pampanga at iba pang lugar sa bansa.

BONG GO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with