Digong seryosong magbibitiw
‘Pag nanalo sa protesta si Bongbong
MANILA, Philippines — Maaaring totohanin ni Pangulong Duterte ang pangakong magbibitiw sa puwesto kung manalo sa kanyang protesta si Sen. Bongbong Marcos Jr. laban kay Vice Pres. Leni Robredo.
“He has said he thinks [former] senator Bongbong Marcos is one of the better qualified leaders to succeed him. If there’s development and he (Marcos) will win the protest and he becomes vice-president, yes. He (Duterte) will make true his word,” pahayag ni Presidential Spokesman Harry Roque kahapon sa media briefing.
Magugunita na sinabi ni Pangulong Duterte na pinag-iisipan niya ang magbitiw sa puwesto dahil pagod na pagod na siya at dismayado dahil sa kabila ng kanyang kampanya laban sa illegal drugs at corruption ay patuloy pa rin ang problema.
Pero iginiit ng Pangulo na hindi siya magbibitiw kung susundin ang Konstitusyon kung saan ang papalit sa kanya ay si VP Robredo.
Wika pa ng Pangulo, ang nais niyang pumalit sa kanya sakaling magbitiw sa pagiging pangulo ng bansa ay ang katulad nina Sen. Chiz Escudero at Bongbong.
Kung sakaling manalo si Bongbong sa kanyang electoral protest laban kay Robredo sa Presidential Electoral Tribunal (PET) ay siya ang magiging constitutional successor sakaling magbitiw si Duterte.
Hiniling ng kampo ni Marcos sa PET na balewalain ang panalo ni Robredo sa nakaraang 2016 presidential elections kung saan ang sinasabing lamang ni Robredo ay 263,473 votes laban kay Marcos at inakusahan ni Marcos na ang automated polls ay dinaya ng Liberal Party para magwagi lamang si Robredo subalit mariing itinanggi naman ito ng LP at kampo ni Robredo.
- Latest
