9 partido nakipag-alyansa sa Hugpong ni Mayor Sara
MANILA, Philippines — Tatlong pambansang partido pulitikal at anim pang ibang lokal na grupo ang nakipag-alyansa sa Hugpong ng Pagbabago regional political party ni presidential daughrer at Davao City Mayor Sara Duterte-Carpio sa isang pormal na seremonya kahapon sa Blue Leaf Filipinas sa Paranaque City.
Ang pagpirma ng alyansa ay isang pakikipagkasunduan kay Duterte- Carpio na tagapangulo ng HNP at sinaksihan ng ibang mga opisyal nito.
Kabilang sa mga political leader na lumagda si Senador Cynthia Villar ng Nacionalista Party. Ang iba pa ay ang Nationalist People’s Coalition at National Unity Party para sa mga pambansang partido.
Kasama naman sa mga lokal na grupo na nakipag-alyansa sa HNP ang Serbisyo sa Bayan Party na kinakatawan ni Quezon City Vice Mayor Joy Belmonte, Alyansa Bol-anon alang sa Kausaban ng Bohol, Aggrupation Party for Progress ng first district ng Zamboanga del Norte, Kambilan of Pampanga, Ilocano Timpuyog at Padayon Pilipino ng Misamis Oriental at iba pa.
Samantala, sa naturang okasyon din, kinumpirma ni Duterte-Carpio na hindi siya tatakbong senador sa 2019 Election.
Sumama din ang mga local political parties mula sa Bohol, Ilocos Norte, Misamis Oriental, Pampanga, Zamboanga at Quezon City.
Ang siyam na partido ay nagsanib pwersa bilang paghahanda sa 2019 Election at bawat political leaders ay nagpapasalamat kay Carpio sa pagtanggap sa kanyang partidong HNP.
Nabatid, na bawat alyansa ay hiningan ni Mayor Sara ng donasyon para sa mga biktima ng kalamidad.
Nagbigay si Belmonte ng P500,000 at si Pampanga Governor Lilia Pineda at nakalikom si Mayor Sara ng P1 milyong mula sa dalawang partido.
Sinabi ni Anthony Del Rosario Secretary General ng HNP na ang Hugpong ng Pagbabago aniya ay isang regional political group ngunit maraming mga major parties ang sumali dito.
Tiniyak naman ni Del Rosario na mananatiling alkalde pa rin ng Davao City si Inday Sara, dahil gusto pa raw nitong maglingkod sa nasabing siyudad.
- Latest
