CA Justice Reyes bagong SC justice

MANILA, Philippines — Itinalaga ni Pangulong Duterte si Court of Appeals Associate Justice Jose Reyes Jr. bilang bagong Supreme Court (SC) justice kapalit ng nag­retirong si Justice Presbitero Velasco Jr.

Sinabi ni Special Assistant to the President (SAP) Bong Go, sa Lunes, Agosto 13 ang panunumpa ni Reyes bilang pinakabagong miyembro ng Korte Suprema.

Si Reyes ang ikaapat na “most senior” associate justice ng CA.

Nitong Agosto 8 lamang nagretiro si Justice Velasco matapos ang mandatory retirement sa edad na 70 at 20 taong pagseserbisyo publiko.

Si Justice Velasco ay itinalaga ni dating Pangulo at House Speaker Gloria Macapagal-Arroyo noong Marso 31, 2006.