Hi-tech online remittance sa OFWs inilunsad
MANILA, Philippines — Isang high-tech online remittance ang inilunsad para makatulong sa mga overseas Filipino workers sa bansa at makapagbigay ng maraming trabaho sa mga Pinoy.
Nasa 100 negosyanteng Hapones ang dumalo sa naturang launching, na inorganisa ng Mango Remittance CU Inc. (MRCUI) na ginawa sa City of Dreams Ballroom sa Parañaque City.
Ayon sa MRCUI, malaki ang maitutulong ng online remmitance sa mga OFW dahil mas mapapadali ang transaksiyon at mas makakamura. Maari rin aniyang mag-invest sa naturang kumpanya ang mga negosyante o mamumuhunan.
Para maka-avail ay kailangang i-download ang application sa cellphone gamit ang internet.
Nabatid kay MRCUI Chief Executive Officer (CEO) at President Jose Jonas M. Cochico III, layunin ng kanilang kumpanya na magbigay ng magandang serbisyo sa lahat ng magiging stakeholder nito at maging sa mga OFW.
“Nais naming mag-alok ng mas abot-kaya at praktikal na aplikasyon sa pagpapadala ng pera sa ating OFWs,” sabi ni Cochico.
- Latest
