Bagyong Inday lalabas na bukas
MANILA, Philippines — Inaasahang lalabas na ng bansa sa Sabado ang bagyong Inday na nagpa-ulan sa iba’t ibang bahagi ng bansa laluna sa Visayas at Luzon partikular sa Metro Manila.
Huling namataan si Inday kahapon alas-3:00 ng hapon sa layong 1,025 kilometro silangan ng Basco, Batanes na taglay ang lakas ng hangin na 75 kilometers per hour at may pagbugso ng hangin na 90 kph.
Si Inday ay kumikilos pahilagang silangan sa bilis na 25 kph.
Patuloy na naapektuhan ng bagyo ang habagat kaya’t patuloy na inuulan ang buong Ilocos Region, Cordillera Administrative Region, Zambales at Bataan gayundin ay may kalat-kalat na mahinang pag-ulan sa buong Metro Manila at nalalabing bahagi ng Luzon hanggang sa Sabado.
- Latest