4 sa 5 Pinoy gustong umaksyon ang Pinas vs China militarization - SWS
MANILA, Philippines — Apat sa limang Filipino ay nais na umaksyon ang gobyerno hinggil sa ginagawang militarization ng China sa disputed territory sa West Philippine Sea, ayon sa survey ng Social Weather Station (SWS).
Sa isinagawang survey ng SWS nitong June 27-30 sa may 1,200 respondents, 81 percent ng mga ito ang nagsabi na hindi dapat hayaan ng gobyerno ang China sa pagtatayo ng mga infrastructures at military presence sa inaangking mga teritoryo.
Ang resulta ng survey ay inilabas ng SWS ilang araw matapos nagkalat ang mga banner na nagsasabing ‘Welcome to the Philippines, Province of China’ sa mga footbridges sa Metro Manila.
Naunang iginiit ng Malacañang na hindi pinababayaan ng gobyernong Duterte ang claim nito sa West Philippine Sea at katunayan ay naghain ang DFA ng diplomatic action laban dito.
Mismong si Pangulong Duterte ay ilang ulit sinabing hindi niya ipamimigay ang teritoryo ng bansa sa China.
Sa hiwalay na survey naman ng Pulse Asia ay 73 percent naman ng mga Filipino ang nagsabi na dapat ipaglaban ng gobyerno ang karapatan nito sa WPS.
Related video:
- Latest
