Draft ng Federal charter hawak na ng Kamara

MANILA, Philippines — Isinumite na sa Kamara ng Consultative Committee (ConCom) ang nabuo nitong draft ng Federal charter.

Tinanggap ito mismo nina House Speaker Pantaleon Alvarez at House Majority leader Rodolfo Fariñas mula kay ConCom chairman at dating Chief Justice Reynato Puno.

Sinabi ni Alvarez na wala pa silang masabing timetable sa Charter Change dahil pag-aaralan muna nila ang nilalaman ng draft.

Ayon naman kay Fariñas, hihintayin muna nila ang official transmittal ng dokumento mula sa tanggapan ng Pangulo bago nila ito masimulang aksyunan.

Nilinaw naman ni Fariñas na recommendatory lamang ang isinumite sa kanila ng ConCom at ang Kongreso pa rin ang may pinal na desisyon para rito.