‘Tulak’ pabata nang pabata
MANILA, Philippines — Ikinabahala ng Philippine Drug Enforcement Agency (PDEA) na pabata nang pabata ang kanilang nahuhuling mga nagtutulak ng bawal na gamot sa kanilang isinasagawang drug operations sa buong bansa.
Sinabi ni PDEA Director Aaron Aquino, na edad 3, 4, hanggang 17 ang ilan sa kanilang nadarakip.
Lubhang nakakabahala ang nasabing development dahil sa murang edad ng mga naturang kabataan ay nasasangkot at nakakagamit na sila ng bawal na gamot na minsan ay mga magulang pa ang nag-uutos na maging drug courier ang kanilang mga anak habang ang iba ay utos ng mga sindikato.
Ayon kay Aquino, kaya iginigiit niya sa Department of Education (DepEd) ang pagkakaroon ng ‘mandatory drug test’ sa lahat ng estudyante mula sa Grade 4 pataas.
- Latest