Pacquiao kayang-kaya si Matthysse - Fortune

MANILA, Philippines - Naniniwala ang strength coach ni Manny Pacquiao na kayang-kayang talunin ang defending welterweight champion na si Lucas Matthysse.

“Matthysse is good to stop. He'd been stopped,” sinabin ni Justin Fortune sa The STAR tungkol sa makakasagupa ni Pacquiao’s sa July 15 sa Axiata Arena sa Kuala Lumpur.

Ang rason, ayon sa dating boksingero mula Australia, ay dahil mahilig makipagbakbakan ng sabayan si Matthysse. Nagbunga naman ito base sa kaniyang record na 39 wins sa 44 niyang laban, 36 dito ay technical knockout. 

Ngunit sa kabila nito ay na-TKO na rin si Matthysse, isang beses sa kanyang apat na talo. Galing ito noong 2010 laban sa Ukrainian Viktor Postol, dating sparring partner ni Pacquiao. Bumagsak si Matthysse sa 10th round at hindi na nakatayo.

Sinisi niya ang kanyang eye injury na kinailangang operahan na dahilan na kanyang pagpapahinga ng 19 buwan.

Napanood na ni Fortune kung paano lumaban si Matthysse, sa tape at sa personal, at sinabi niya na ang 35-yer-old ay kailangang nasa harap lang ng kalaban kaysa umikot sa ring.

“He's right there,” ani Fortune.  “I’ve been viewing his tapes. I used to watch him. He's a puncher and I like watching punchers. He can’t change his style,” dagdag ng strength coach.

Kasama ni Fortune si Pacquiao sa General Santos City, kung saan kasama rin sina trainers Buboy Fernandez, Nonoy Neri, Haplas Fernandez at Nonito Donaire Sr.