Sison magbabalik Pinas sa Agosto?

MANILA, Philippines – Pumayag na bumalik sa bansa si self-exiled Communist Party of the Philippines (CPP) founding chairman Jose Ma. Sison para sa peace talks sa Agosto.

Inulat ng ng ABS-CBN News na uuwi na ng bansa si Sison sa kabila ng hindi matutuloy na peace talks.

Sinabi ni National Democratic Front (NDF) consultant Rey Casambre na maaring bumalik ng bansa si Sison sa ikalawang Linggo ng Agosto.

Ngunit nabahala si Casambre na sa posibilidad na pag-aresto sa NDF peace negotiators at consultants.

Nagpahayag ng optimismo si Sison na maaring makabalik na siya sa bansa ngayong taon depende sa pagsulong ng peace negotiations.

Sinabi niya ang mga laman ng dokumentong pinirmahan ng gobyerno at ng NDF ay naglalaman ng necessary political, legal, security at technical requirements.

Sa hiwalay na ulat ng ABS-CBN, pipirma sana ng draft interim peace agreement ang gobyerno at NDF sa formal talks na gagawin sa Hunyo 28-30.

Hindi ito matutuloy dahil kinansela ito ni Pangulong Rodrigo Duterte.