Sereno tuluyan nang sinipa sa SC
MANILA, Philippines — Tuluyan nang pinatalsik ng Korte Suprema si Maria Lourdes Sereno bilang punong mahistrado ngayong Martes.
Pinagtibay ng mataas na hukuman ang nauna nilang hatol laban kay Sereno, kung saan pinapawalang bisa ang pagkakatalaga sa kaniya noong 2012.
Ibinasura nila ang motion for reconsideration ni Sereno.
Nag-ugat ang lahat sa isinampang quo warranto petition ni Solicitor General Jose Calida laban kay Sereno.
Ibinaba ang hatol laban kay Sereno noong Mayo 11 kung saan nauwi ang botohan sa 8-6.
Dahil sa pagkakatalsik ay hindi kinilala ng korte na naging punong mahistrado si Sereno.
- Latest