7-M katao namamatay kada taon dahil sa maruming hangin-WHO
MANILA, Philippines — Tahasang sinabi ng World Health Organization (WHO) na umaabot sa 7 milyon katao sa iba’t ibang panig ng mundo ang namamatay kada taon dahil sa paglanghap ng maduming hangin.
Ito’y matapos na lumabas sa resulta ng pag-aaral na isinagawa ng WHO sa lebel ng polusyon ng hangin sa labas at loob ng bahay o gusali.
Ayon sa WHO, isa sa bawat 10 o 90 porsyento ng populasyon ng mundo ang lumalanghap ng maruming hangin.
Lumabas pa sa pag-aaral ng WHO na, bagaman banta sa lahat ng panig ng mundo ang polusyon, mas malala ito at mas maraming namamatay dahil dito sa mga mahihirap na bansa sa Asya at Africa.
Mas makabubuti pa ring magtakip ng ilong habang nasa labas ng bahay dahil sa matinding usok na mula sa mga sasakyan at mga maruruming bagay.
- Latest