13th month ng Boracay employees pinapa-advance
MANILA, Philippines — Iminungkahi ni Presidential Spokesman Harry Roque sa huling Cabinet meeting na i-advance ang 13th month pay ng mga empleyadong nagtatrabaho sa Boracay.
Sa gitna na rin ito ng nakakasa nang pansamantalang pagsasara ng isla ngayon (Abril 26) para sumailalim sa rehabilitasyon sa loob ng 6 na buwan.
Ayon kay Sec. Roque, inilatag niya ang suhestiyon sa pinakahuling pagpupulong ng Gabinete at positibo naman aniya ang pagtanggap dito.
Wika pa ni Roque, hindi niya orihinal na ideya ang mungkahi sa pagsasabing nakuha niya aniya ito sa ibang malalaking resort sa Boracay na nakahandang ibigay na ng advance ang kanilang 13th month sa kanilang mga empleyado.
Punto pa ni Roque na kung kaya ng ibang nagma-may-ari ng resort na gawin ang hakbang, bakit hindi magagawa ng iba.
Gayunpaman, nasa diskresyon pa rin ng mga employer kung susundan ang hakbang ng ilang resort owners gayung boluntaryo lang naman.
Related video:
- Latest