Boracay isasailalim sa state of calamity
MANILA, Philippines — Irerekomenda ng National Disaster Risk Reduction and Management Council (NDRRMC) kay Pangulong Duterte na isailalim na sa state of calamity ang Boracay Island para maging maayos ang isasagawang rehabilitasyon.
Ayon kay Defense Secretary Delfin Lorenzana, chairman ng NDRRMC, ito’y kaugnay ng pagsasara ng Boracay sa loob ng anim na buwan simula bukas, Abril 26.
Ang nasabing rekomendasyon ay ipinadala na sa Malacañang upang aprubahan ni Pangulong Duterte.
Bukod sa paglilinis sa buong isla ay gigibain din ang mga istrakturang lumalabag sa mga patakaran para mapanatili ang kalinisan dito.
Kabilang sa mga apektado ng rehabilitasyon ay Brgy. Manoc-Manoc, Balabag at Yapak; pawang nasasaklaw ng apat na hektaryang Boracay Island sa Malay, Aklan.
Ipinunto ni Lorenzana na ang rehabilitasyon sa ilalim ng state of calamity ay maaring tumagal ng anim na buwan o higit pa depende sa bilis ng kooperasyon at pagkakaisa upang malinis sa anumang polusyon ang isla.
Lumilitaw sa imbestigasyon ng DILG at DENR na ang polusyon sa katubigan ng Boracay Island ay sanhi ng hindi tamang ‘waste management” sa mga protected areas na grabeng nakaapekto sa kapaligiran at kalikasan ng pamosong isla.
“Findings of the DOST further revealed that beach erosion is prevalent in Boracay Island, particularly along the West Beach where as much as 40 meters of erosion has taken place in the past 20 years from 1993 to 2003, and is largely due to storms, extraction of sand along the beach to raise properties, and structures along the foreshore,” ani Lorenzana.
Related video:
- Latest