Plastic problema pa rin – Villar

MANILA, Philippines — Matindi pa ring problema at banta sa wildlife at marine resources ang plastic pollution.

Ito ang iginiit ni Sen. Cynthia. Villar kasabay ang pagsusulong ng mas malawak na kampanya upang mabawasan kundi man tuluyang mapahinto ang paggamit ng plastic wastes sa bansa.

Ayon kay Villar, chairperson ng Senate Committee on Environment and Natural Resources, problema pa rin ang plastic waste pollution sa bansa lalo na sa urban areas kung saan ang mga plastic products ay regular na ginagamit na packaging materials.

“The use of plastic products over the years has taken its grim toll on our natural resources. Our marine waters are choking from plastic wastes that have been dumped into our waters. We are ranked third next to China and Indonesia in terms of estimated volume of mismanaged plastic wastes produced by the population that could potentially enter the seas and oceans,” ani Villar.

Pinuna rin ni Villar ang mabagal na pag-usad ng kampanya laban sa plastic consumption.

Aniya, hindi masyadong pinag-uukulan ng pansin ng manufacturers at users ang environmental, climate at health impacts ng plastic use.

Ang pahayag ay ginawa ni Villar sa pagdiriwang ng Earth Day 2018 at 11th Anniversary ng pagtatayo sa 175-hectare Las Piñas-Parañaque Wetland Park na tinaguriang “last coastal frontier of the Asean region.”

“The government needs to take bolder and more innovative measures to control the entry of plastic wastes into our waters, which are destroying our marine natural resources and the habitats of resident and migratory wild birds,” sabi pa ni Villar.

Binanggit niya ang mga pananaliksik na nagpapa­kitang kabilang ang Pilipinas sa mga bansang may pinakamaraming plastic wastes na itinatapon sa ka­ragatan.