Abogado ni Napoles ’di raw pinayuhan para malipat sa WPP
MANILA, Philippines — Itinanggi kahapon ni Executive Secretary Salvador Medialdea na pinayuhan nila ang abogado ni Janet Lim-Napoles ng kanilang dapat gawin upang mailipat ng custody ang sinasabing mastermind ng P10 bilyong pork barrel scam.
Sinabi ni Medialdea sa text message, itinatanggi nitong nagbigay siya ng payong legal kay Atty. Stephen David na abogado ni Mrs. Napoles.
“Why would I give a legal advice to a lawyer for his client? If I were his client, I will fire him,” pahayag ni Medialdea.
Sinabi mismo ni Atty. David sa pagdinig sa Sandigan 3rd division kamakalawa na kaya sila naghain ng mosyon upang ilipat ng custody si Napoles sa DOJ mula sa selda nito sa Camp Bagong Diwa sa Taguig City at ilagay ito sa Witness Protection Program (WPP) sa payo mismo ni Sec. Medialdea matapos ang kanilang pulong sa Malacañang kasama si Justice Sec. Vitaliano Aguirre.
“There was a discussion with the executive secretary that the DOJ shall take custody of Mrs. Napoles. Because of that, I sought to write on the matter,” wika pa ni Atty. David ng tanungin ni Sandiganbayan 3rd division PresidingJustice Amparo Cabotaje-Tang.
- Latest
