KILALANIN: 2019 senatorial lineup ng PDP-Laban

MANILA, Philippines — Ipinakilala na ng Partido Demokratiko Pilipino-Lakas ng Bayan ngayong Martes ang kanilang pambato sa senatorial race ng 2019 midterm elections.

Pinangunahan ni House Speaker Pantaleon Alvarez ang pagpapakilala sa kanilang mga kandidato sa mass oathtaking ng mga bagong miyembro ng partido sa Caloocan City.

Kabilang sa listahan sina:

• ·         Senate President Koko Pimentel
• ·         Dating MMDA chair Francis Tolentino
• ·         Oriental Mindoro Rep. Reynaldo Umali
• ·         Maguindanao Rep. Zajid "Dong" Mangudadatu
• ·         Bataan Rep. Geraldine Roman
• ·         Davao Rep. Karlo Nograles
• ·         Presidential spokesperson Harry Roque
• ·         Special assistant to the president Bong Go

Hindi pa naman tiyak kung maaaring makatakbo si Pimentel mula nang maupo siya sa pwesto noong Agosto 2011 kasunod ng pagbibitiw ni Sen. Miguel Zubiri dahil sa umano’y pandaraya noong 2007 polls.

Iginiit ni Pimentel na maaari pa siyang tumakbo dahil isang taon at 10 buwan lamang siya nanilbihan bilang senador sa kaniyang unang termino.

Dalawang magkasunod na termino lamang ang hinahanayaan ng batas.

Wala naman sa listahan ang mga napabalitang tatakbong senador noon na sina House Majority Leader Rodolfo Fariñas, Negros Occidental Rep. Alfredo Abelardo, Communications Assistant Secretary Mocha Uson at Philippine National Police chief Ronald dela Rosa.