Gipangayong sakyanan sa PNP Talisay madugay pa
CEBU, Philippines — Posibleng madugay-dugay pa nga mahatag sa dakbayan sa Talisay ngadto sa kapolisan ang ilang giyango-ngo nga bag-ong patrol car.
Kini bisan pa man nga ang duha ka patrol car sa kapolisan sa siyudad nangaguba na
Niadtong miaging tuig pa nga naghangyo ang kapolisan sa siyudad nga mahatagan sila og bag-ong sakyanan nga ilang magamit sa ilang mga operasyon.
Si Joan Vebar, pangulo sa General Services Office (GSO) mibutyag nga tulo ka sakyanan ang gihangyo sa kapolisan apan usa pa lang ang ilang nahatag nga mao ang Toyota Avanza.
Matud ni Vebar nga padayon pa sila nga nangayo og price quotation sa mga sakyanan. Ang gipangayo sa mga polis nga sakyanan mao ang Hi-Lux nga box type.
Matud usab ni Vebar nga kon naa na ang price quotation buhatan dayon nila kini og purchase request aron magahinan og budget. (BDB) (BANAT NEWS)
- Latest