3,675 drug surrenderees sa probinsiya migradwar
CEBU, Philippines — Dili moubos sa 3, 675 gikan sa 7, 221 ka drug surrenderees ang nigradwar na gikan sa drug rehabilitation program sa mga nagkadaiyang barangay ug lungsod sa lalawigan sa Sugbo.
Si Carmen Remedios Durano-Meca pangulo sa Cebu Provincial Anti-Drug Abuse Office (CPADAO) mibutyag nga ang maong mga reformist kasagaran kanila gikan sa mga barangay nga nadeklara na nga drug-cleared sa anti-drug oversight committee sa probinsiya sa Sugbo.
Giingong uban sa mga reformist ang nakatrabaho na sila napaubos sa community based rehabilitation program sa mga LGU.
Ang mga reformist giingong padayon gihapon kining i-monitor sa social welfare ug barangay health workers.
Nunot niini, karong umaabot nga Marso 21 gikatakda usab ang meeting sa oversight committee sa probinsiya.
Ang oversight committee gilangkuban kini sa Philippine Drug Enforcement Agency (PDEA)-7, Department of Health (DOH)-7, Police Regional Office (PRO)-7, Cebu Provincial Police Office (CPPO), probinsiya sa Sugbo pinaagi sa gobernador ug CPADAO.
Nanghinaot si Meca nga atol sa maong meeting madeklara nga drug cleared ang 35 ka barangay nga ilang giendorso. (BDB) (BANAT NEWS)
- Latest
