DNA data base isinulong

MANILA, Philippines — Isinusulong ni Surigao del Norte Rep. Robert Barbers na magkaroon ng sentralisadong DNA data base sa buong bansa.

Sa House Bill 7215 na inihain ni Barbers, sinabi niya na malaki ang maitutulong nito para mapabilis ang pagresolba ng krimen at pagtunton ng mga nawawalang indibidwal.

Gayundin ang pagkilala sa mga bangkay sa pagkumpirma ng paternity at iba pang family relationship.

Sakaling mapagtibay ang panukala, maglalatag ang gobyerno ng Philippine DNA database system na magiging repository ng DNA profiles ng mga Pilipino.

Bawal naman na isapubliko ang DNA records na hawak nito at ang lalabag dito ay maaaring  makulong ng hanggang walong taon at magmumulta ng kalaha­ting milyong piso.