Fil-Am Jordan Clarkson makakasama si LeBron sa Cavaliers

MANILA, Philipines – Tatawid si Filipino-American basketball star Jordan Clarkson mula Los Angeles Lakers papunta sa bakuran ng Cleveland Cavaliers.

Kasama ni Clarkson si Lakers forward Larry Nance Jr. sa paglipat sa Cavaliers kapalit nina Isaiah Thomas at beteranong si Channing Frye.

OFFICIAL: Welcome to #TheLand, @jordanclarksons & @Larrydn22!

DETAILS: https://t.co/FpV3fS8Y87#AllForOne pic.twitter.com/4I4VeFPe6C

— Cleveland Cavaliers (@cavs) February 8, 2018

Halos nakaapat na taon din si Clarkson sa Lakers matapos siyang makuha sa second round ng 2014 rookie draft.

Sa pagpasok ni Clarkson sasandal ang Cavs sa mas batang koponan kung saan nakapagtala siya ng 14.5 points per game sa 45 percent shooting ngayong season.

Matagal nang nais makapaglaro sa Philippine team ng 25-anyos na si Clarkson ngunit mailap ang pagkakataon dahil sa kaniyang schedule sa NBA.

Samantala, bukod kina Clarkson at Nance, nakuha rin ng Cavaliers sina Rodney Hood mula sa Utah at George Hill mula Sacramento sa isang 3-team trade.

Binitawan naman ng 2016 champions ang beteranong si Dwyane Wade na bumalik sa kaniyang dating koponan na Miami Heat.

Kung dati ay ang beteranong si Kobe Bryant ang kasama ni Clarkson sa Lakers, ngayon naman ay makakasama niya si four-time MVP LeBron James.