Peace covenant, nilagdaan ng Muslim community at QC police
MANILA, Philippines – Nilagdaan ng lahat ng mga lider ng Muslim community ng Brgy. Culiat at ng mga opisyal ng Quezon City police ang isang peace covenant upang magkatuwang na panatilihin ang kapayapaan at kaayusan sa lungsod.
Nakasaad sa kasunduan na ang lahat ng lider ng muslim community ay titiyaking may sapat na seguridad ang Salaam Compound habang ang QC Police ay maglalagay ng sampung unipormadong pulis na magbabantay sa police detachment sa naturang lugar.
Nakasaad din sa kasunduan ang pagkakaloob ng identification cards sa lahat ng residente ng Salaam Compound at isuko ang mga armas at bala na walang lisensiya.
Sa kanyang panig, sinabi ni Mayor Herbert Bautista na kailangang magkaroon sila ng pagtatala sa mga miyembro ng Muslim communities sa ilalim ng QC Muslim Consultative Council para sa kapakanan ng kani-kanilang mga pamilya.
Binigyang diin din dito ang kahalagahan ng pagsasagawa ng regular na pag -uusap sa pagitan ng pulisya at Muslim leaders upang mabilis na matutugunan ang ibat- ibang mga isyu at mapatingkad ang kooperasyon sa pagitan ng magkabilang panig.
- Latest