^

Papasok na bagong bagyo, hindi hihilahin pabalik si ‘Nona’ – PAGASA

(Pilipino Star Ngayon) - December 15, 2015 - 9:20pm

MANILA, Philippines – Tiniya ng PAGASA ngayong Miyerkules na hindi hihilahin pabalik ng bagong papasok na bagyo ang palabas na bagyong “Nona.”

Sinabi ni PAGASA weather forecaster Aldczar Aurelio na hindi magkakaroon ng “Fujiwara effect” sa pagitan ni Nona at ng bagyong nasa labas pa ng Philippine area of responsibility (PAR).

Nangyayari lamang ang Fujiwara effect kapag naaapektuhan ng isang malakas na bagyo ang isang mahinang bagyo.

BASAHIN: 1 patay kay ‘Nona’

Samantala, huling namataan ng state weather bureau si Nona sa 90 kilometro kanluran ng Ternate, Cavite kaninang alas-10 ng umaga.

Taglay ng pang-14 na bagyo ngayong taon ang lakas na 120 kilometers per hour (kph) at bugsong aabot sa 150 kph, habang gumagalaw pakanluran hilaga-kanluran sa bilis na 7 kph.

Nakataas pa rin naman ang public storm warning signals sa mga sumusunod na lugar:

Signal No. 2

    Bataan

    Southern Zambales

    Cavite

    Batangas

    Lubang Island

Signal No. 1

    Metro Manila

    Rest of Zambales

    Pampanga

    Bulacan

    Tarlac

    Rizal

    Laguna

    Northern Occidental Mindoro

    Northern Oriental Mindoro

Ang binabantayan namang bagyo sa labas ng PAR ay nasa 1,180 kilometro silangan ng Mindanao.

BASAHIN: #NonaPH: Ika-5 landfall sa Oriental Mindoro

May lakas lamang itong 45 kph at mabilis ang paggalaw nito pakanluran hilaga-kanluran sa 23 kph.

Inaasahang lalabas ng PAR si Nona sa Biyernes, habang papasok naman ng bansa ang bagong bagyo sa Miyerkules.

Pangangalanang “Onyok” ang bagyo kapag tuluyan nang nakapasok ng PAR.

 

ACIRC ALDCZAR AURELIO ANG BAGYO CAVITE FUJIWARA LUBANG ISLAND NBSP QUOT SIGNAL NO STRONG
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with