Grace, Chiz nanguna uli sa bagong Pulse Asia survey
Rudy Andal (Pilipino Star Ngayon) - November 19, 2015 - 9:00am

MANILA, Philippines – Sa kabila umano ng ‘black propaganda’ laban kay Senadora Grace Poe, hindi umano nakaapekto ito sa paniniwala ng publiko sa kanya matapos manguna pa rin sa latest Pulse Asia survey para sa mga kandidatong presidente sa 2016 elections.

Ayon sa naturang presidential survey na ginawa mula Oktubre 18 hanggang 29, 2015 sa 3,400 na respondents, nasa top spot pa rin ng listahan si Poe dahil sa nakuha niyang 39 percent.

Umangat pa ang senadora ng 13 puntos mula sa 26 percent niya noong Setyembre.

Nasa pangalawang pwesto naman si Vice President Jejomar Binay na nakakuha ng 24 percent, mula sa dating 19 percent.

Umakyat naman ng isang puntos si dating Interior Sec. Mar Roxas sa 21 percent.

Dahil dito, nanatili siya sa ikatlong pwesto kagaya ng nakaraang survey.

Malaki naman ang itinaas ni Sen. Miriam Defensor-Santiago, dahil mula sa tatlong pors­yento ay naging 11 porsyento ito.

“Ako’y nagpapasalamat sa pagtitiwala sa atin ng ating mga kababayan na kahit ganoon ang nangyari, tiwala pa rin ang ating mga kababayan sa ating intensyon at sa ating katapatan,” pahayag ni Poe.

Sa vice presidential race, nanatili ring na­ngunguna ang running mate ni Poe na si Senator Francis “Chiz” Escudero na nakalikom ng 43 porsiyento.

“Kasabay po ng buong pagpapakumbaba namin at pagpapasalamat sa mga tiwalang ibinigay sa atin ng ating mga kababayan, “ sabi naman ni Escudero.

Pumangalawa kay Escudero si Sen. Ferdinand “Bongbong” Marcos Jr. (21 porsiyento), na sinundan ni Sen. Alan Peter Cayetano (11%),Camarines Sur Rep. Leni Robredo (7%) at Sen. Antonio Trillanes IV  (6%).

ACIRC ALAN PETER CAYETANO ANTONIO TRILLANES CAMARINES SUR REP INTERIOR SEC LENI ROBREDO MAR ROXAS MARCOS JR. MIRIAM DEFENSOR-SANTIAGO PULSE ASIA SENADORA GRACE POE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with